Banso lisanga

  Banso lisanga

Muasi wa lokumu ya eloko Congo
Nyagero Tshisekedi

Congolais atonda lolendo.
Mikolo nioso Kaka mindondo.
Atako azanga bilembo,
Kasi atanga na Lembo,

Na monoko Kaka loyembo,

Mabina pe Kaka ma kembo.

Mikolo nioso Kaka milelo.

Nioso oyo po na kilelo.

Tongo tongo kaka kotongo,

Bazalaka mingi se bongo.

Nzoto pe Kaka kokondo,

Kolia Kaka na ndoto,

Namotema nse lokoso.

Komela masanga na makoso,

Monoko emesene na pili-pili.

Muana moke alongola pili.

Wana kuna masolo ya bolingo.

Atako motema etonda na mbindo,

Se lokola soda ya mpiko,

Atelemi likolo ya ndako.

Tambola na mokili,

Makambo kili kili,

Okomona makambo,

Pe okomema ngambo:

Nzela nioso Kaka kuluna,

Moko te akobanza kolona,

Tala kuna ebele ya bato,

Batondi pe lokola bâto,

Baza kotala nde bitumba,

Wana baza kobina rumba.

Misusu nde kobunda,

Kaka na balabala Kibunda,

Basusu na kindumba,

Ndeti Kaka na zamba.

Kobongisa Mboka,

Etaki Kaka Mbaka?

Nani akosala ?

Biso banso nde kolela,

Kotalela Kaka Nzambe,

Basusu bakita na Limbe.

Mbula ebuka, Fastshi asambwe!

Nzoka nde, banso tokanga bwe.

 Ekolo ekobonga,

Pe eko ngenga

Soki tomibonzi.

 Totalela te mokonzi,

Banso te nde to konzi,

Biso nde toza na bokonzi.

Atako banso tolembi,

Na baye  bayembi,

To simba étè toza babengami,

To longwa na bokangemi,

To boya  bokambwani,

Tozongela bosangani:

Banso lisanga,

Lokola libanga,

Toza na elonga,

Ya biso lilonga.